ଗୁଗଲ୍‌ର ବଡ ଘୋଷଣା: ଆସନ୍ତାକାଲି ଠାରୁ ବ୍ୟବହାର କରିପାରିବେନି ଏହି ଫ୍ରି ସର୍ଭିସ୍, ଲାଗିବ ଚାର୍ଜ

ନୂଆଦିଲ୍ଲୀ ୩୦/୦୯ : କରୋନା ମହାମାରୀ ଯୋଗୁଁ ଲାଗୁ ହୋଇଥିବା ଲକଡାଉନ୍ ପାଇଁ ଅଧିକାଂଶ କର୍ମଚାରୀ ଘରୁ କାମ କରୁଥିଲେ । ୟୁଜର୍ସଙ୍କୁ କାମ କରିବାରେ ଯେପରି କିଛି ସମସ୍ୟା ନ ହୁଏ ସେଥିପାଇଁ ସର୍ଚ୍ଚ ଇଞ୍ଜିନ୍ କମ୍ପାନୀ ଗୁଗଲ୍ ନିଜର Google Meet ସର୍ଭିସ୍ ସମ୍ପୂର୍ଣ ଫ୍ରି କରିଦେଇଥିଲା । କିନ୍ତୁ ବର୍ତ୍ତମାନ କମ୍ପାନୀ ଏକ ବଡ ନିଷ୍ପତ୍ତି ନେଇଛି । ଗୁଗଲ୍ ନିଜର ଭିଡିଓ କନଫରେନସିଂ ଆପ ଗୁଗଲ୍ ମିଟ୍ କୁ ନେଇ ଏକ ମହତ୍ତ୍ୱପୂର୍ଣ୍ଣ ଘୋଷଣା କରିଛି । ଗୁଗଲ୍ ବର୍ତ୍ତମାନ  ଗୁଗଲ୍ ମିଟ୍ ର ଫ୍ରି ଭର୍ସନ ବନ୍ଦ କରିବାକୁ ଯାଉଛି । ଆଜି ଏହାର ଶେଷ ତାରିଖ ।

୨୦୨୦ ସେପ୍ଟେମ୍ବର ୩୦ ତାରିଖ ପରେ ଗୁଗଲ୍ ମିଟ୍ କୁ ଫ୍ରିରେ କେବଳ ୬୦ ମିନିଟ୍ ବ୍ୟବହାର କରାଯାଇପାରିବ । ୬୦ ମିନିଟ୍ ପରେ ୟୁଜର୍ସଙ୍କୁ ଟଙ୍କା ଦେବାକୁ ହେବ । ଅର୍ଥାତ କେବଳ ପେଡ୍ ୟୁଜର୍ସ ହିଁ ଅଧିକ ସମୟ ମିଟିଂ କରିପାରିବେ ଏବଂ ଅନ୍ୟମାନଙ୍କୁ ପୂର୍ବ ଭଳି ଅନଲିମିଟେଡ୍ ଭିଡିଓ ମନିଟରିଂ ଅପ୍ସନ୍ ମିଳିବନାହିଁ ।

ସୂଚନା ଅନୁଯାୟୀ ୩୦ ତାରିଖ ପରେ ଗୁଗଲ୍ ମିଟ୍ ର ନୂଆ ପଲିସୀ ଉଭୟ G Suite ଓ G Suite Education ଉପରେ ଲାଗୁ ହେବ। ଚଳିତ ବର୍ଷ ଆରମ୍ଭରେ ଗୁଗଲ୍ ସୂଚନା ଦେଇଥିଲା ଯେ ମିଟ୍ ଆପରେ ଭିଡିଓ କଲିଂ ପାଇଁ ସମୟସୀମା ୬୦ ମିନିଟ୍ ରହିବ। କିନ୍ତୁ କରୋନା ମହାମାରୀ ଯୋଗୁଁ ୱାର୍କ ଫ୍ରମ୍ ହୋମ୍ ଓ ମିଟିଂ ପାଇଁ, ଛାତ୍ରଛାତ୍ରୀ ଅନଲାଇନ କ୍ଲାସ ପାଇଁ ଗୁଗଲ୍ ମିଟ୍ ବ୍ୟବହାର କରୁଥିଲେ। ଏହାକୁ ଦୃଷ୍ଟିରେ ରଖି କମ୍ପାନୀ ସେପ୍ଟେମ୍ବର ୩୦ ତାରିଖ ଯାଏଁ ଗୁଗଲ୍ ମିଟ୍ ଆପକୁ ଫ୍ରି କରିଥିଲା ।

ସୂଚନାଯୋଗ୍ୟ ଯେ, G Suite ରେ ୨୫୦ ଜଣ ଏକାଥରେ ଭିଡିଓ କନଫରେନସିଂ କରିପାରିବେ ଏବଂ ଏକ ଲକ୍ଷ ଲୋକ ଲାଇଭ୍ ଦେଖି ପାରିବେ । ତାଛଡା ମିଟିଂକୁ ରେକଡିଂ କରି ଗୁଗଲ୍ ଡ୍ରାଇଭରେ ସେଭ୍ ମଧ୍ୟ କରାଯାଇପାରେ । ଭିଡିଓ କନଫରେନସିଂ ଆପ Zoom ରେ ୟୁଜର୍ସଙ୍କୁ ୪୫ ମିନିଟ୍ ପାଇଁ ଭିଡିଓ କଲ୍ ଆକ୍ସେସ୍ ମିଳିଥାଏ । କିନ୍ତୁ ଗୁଗଲ୍ ମିଟ୍ ଆପ୍ ଏବେ ମଧ୍ୟ ୟୁଜର୍ସଙ୍କୁ ୬୦ ମିନିଟ୍ ଆକ୍ସେସ୍ ଦେବ ।

Related posts

Leave a Comment