ନାସିରୁଦ୍ଦିନ ଶାହଙ୍କ ପୁଅ ଭିଭାନ ଶାହ କରୋନାରେ ସଂକ୍ରମିତ

ମୁମ୍ବାଇ ୩/୧୧: ବଲିଉଡ ଅଭିନେତା ଭିଭାନ ଶାହ କରୋନା ଭାଇରସରେ ସଂକ୍ରମିତ ହୋଇଛନ୍ତି। ସେ ଦିଗ୍ଗଜ ଅଭିନେତା ନାସିରୁଦ୍ଦିନ ଶାହଙ୍କ ପୁଅ। ଭିଭାନ ଶାହ କିଛି ଦିନ ହେବ ନିଜ ଓ୍ବେବ୍ ସିରିଜ ‘ଏ ସୁଟେବଲ୍ ବୟ’ର ପ୍ରମୋସନରେ ବ୍ୟସ୍ତ ଥିଲେ। ଏବେ ସୂଚନା ମିଳିଛି ଯେ ସେ କରୋନା ଭାଇରସରେ ସଂକ୍ରମିତ ହୋଇଛନ୍ତି।

ଗତ ସପ୍ତାହରେ ଭିଭାନ୍ ଶାହଙ୍କ ସ୍ବାସ୍ଥ୍ୟ ବିଗିଡ଼ିଥିଲା ଯାହା ପରେ ସେ କରୋନା ଟେଷ୍ଟ୍ କରିବାକୁ ନିଷ୍ପତ୍ତି ନେଇଥିଲେ। ଏଥିରେ ସେ କରୋନା ଭାଇରସରେ ସଂକ୍ରମିତ ହୋଇଥିଲେ। ବର୍ତ୍ତମାନ ଭିଭାନ୍ ଆଇସୋଲେସନରେ ଅଛନ୍ତି ଏବଂ ତାଙ୍କ ଚିକିତ୍ସା ଜାରି ରହିଛି।

ସାଧାରଣ ଜନତାଙ୍କଠୁ ଆରମ୍ଭ କରି ନାମୀଦାମୀ ବ୍ୟକ୍ତି କରୋନା ଭାଇରସର ସମ୍ମୁଖୀନ ହୋଇଛନ୍ତି। ଏମାନଙ୍କ ମଧ୍ୟରେ ଅନେକ ଫିଲ୍ମ ଷ୍ଟାର ମଧ୍ୟ ସାମିଲ ରହିଛନ୍ତି। ଏବେ ସୁଦ୍ଧା ଅମିତାଭ ବଚ୍ଚନ,ଅଭିଷେକ ବଚ୍ଚନ,ଐଶ୍ବର୍ଯ୍ୟା ରାୟ ବଚ୍ଚନ,ଆରାଧ୍ୟା,ମଲାଇକା ଅରୋରା,ଅର୍ଜ୍ଜୁନ କପୁର,ହିମାଂଶୀ ଖୁରାନା ଏବଂ ହର୍ଷବର୍ଦ୍ଧନ ରାଣେ ମଧ୍ୟ କରୋନାର ଶିକାର ହୋଇସାରିଛନ୍ତି।

Related posts

Leave a Comment