ଅଧିକ ଅଣ୍ଡା ସେବନ କଲେ ଯାଇପାରେ ଜୀବନ

ଭୁବନେଶ୍ୱର ୦୪/୧୧ : ଅଣ୍ଡା ସ୍ୱାସ୍ଥ୍ୟ ପାଇଁ ହିତକର। ଅଣ୍ଡାରେ ବହୁ ମାତ୍ରାରେ ପ୍ରୋଟିନ ରହିଛି। ତେବେ ଦିନକୁ କେତେଟି ଅଣ୍ଡା ଖାଇବା ଉଚିତ ତାହା ଜାଣିବା ମଧ୍ୟ ଆବଶ୍ୟକ। କିଛି ଦିନ ପୂର୍ବରୁ ଉତ୍ତର ପ୍ରଦେଶର ଏକ ସହରରେ ମଜା ମଜାରେ ୫୦ଟି ଅଣ୍ଡା ଖାଇବା ପାଇଁ ସର୍ତ ଲାଗିଥିଲା। ଜଣେ ଯୁବକ ସର୍ତରେ ରାଜି ହୋଇ ଅଣ୍ଡା ଖାଇବା ଆରମ୍ଭ କରିଥିଲେ। ୪୨ଟି ଅଣ୍ଡା ଖାଇବା ପରେ ସେ ବେହୋସ ହୋଇଯାଇଥିଲେ। ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ହସ୍ପିଟାଲରେ ଯୁବକଙ୍କ ମୃତ୍ୟୁ ହୋଇଯାଇଥିଲା।

ଅଣ୍ଡା ଖାଇବାରୁ ତାର ପ୍ରୋଟିନ ଶରୀରରେ ପହଞ୍ଚି ଏଲ୍ବୁମିନରେ ବଦଳି ଯାଇଥାଏ । ଏଲ୍ବୁମିନ ଶରୀରର ଅଧିକାଂଶ ଆବଶ୍ୟକତା ପୁରା କରିଥାଏ। ଜଣେ ବୟସ୍କଙ୍କ ଶରୀର ପାଇଁ ଗୋଟିଏରୁ ଦୁଇଟି ଅଣ୍ଡା ଆବଶ୍ୟକ। କିନ୍ତୁ କିଛି କାରଣବଶତଃ କିଛି ଲୋକଙ୍କ ଶରୀରରେ ପ୍ରୋଟିନ ଅଭାବ ଦେଖାଦେଇଥାଏ। ଯେପରିକି ଲିଭର, କିଡନୀ କିମ୍ବା ଅନ୍ତନଳୀ ଦୁର୍ବଳ ଥିଲେ ପ୍ରୋଟିନଯୁକ୍ତ ଖାଦ୍ୟ ଖାଇବାକୁ ପରାମର୍ଶ ଦିଆଯାଇଥାଏ। କିନ୍ତୁ ତାହା ପରିସ୍ରା ଦେଇ ବାହାରି ଯାଇଥାଏ। ସେଥିପାଇଁ ଡାକ୍ତର ଅଧିକ ଅଣ୍ଡା ଖାଇବାକୁ ପରାମର୍ଶ ଦେଇଥାନ୍ତି। ଯେଉଁମାନେ ବଡି ବିଲଡିଂ କରନ୍ତି ସେମାନଙ୍କୁ ଅଧିକ ପ୍ରୋଟିନ ଆବଶ୍ୟକ ହୋଇଥାଏ କାରଣ ସେମାନଙ୍କୁ ମାଂସପେଶୀ ମଜବୁତ କରିଥାନ୍ତି। ତେବେ ଦୈନିକ ଦୁଇରୁ ଅଧିକ ଅଣ୍ଡା ଖାଇବା ଶରୀର ପାଇଁ ହାନିକାରକ ହୋଇଥାଏ। ଅଧିକ ଅଣ୍ଡା ଖାଇଲେ ପେଟ ଖରାପ ହୋଇଥାଏ, ଗ୍ୟାସ ଓ ଏସିଡ଼ିଟି ମଧ୍ୟ ହୋଇଥାଏ। ଲଗାତାର ଅଧିକ ଅଣ୍ଡା ଖାଇବା ଦ୍ୱାରା କିଡନୀ ଖରାପ ହେବା ଆଶଙ୍କା ମଧ୍ୟ ଥାଏ କାରଣ ଅଧିକ ପ୍ରୋଟିନ ହଜମ କରିବାକୁ କିଡନୀକୁ ଅଧିକ କାମ କରିବାକୁ ହୋଇଥାଏ।

୪୨ ଅଣ୍ଡା ଖାଇ ଯୁବକଙ୍କ ମୃତ୍ୟୁକୁ ନେଇ ଜଣେ ମେଡିସିନ ବିଶେଷଜ୍ଞ ଡାକ୍ତର ଶ୍ରୀକାନ୍ତ ଶର୍ମା କହିଛନ୍ତି ଯେ ଏକାଥରେ ଏତେ ଅଣ୍ଡା ଖାଇବାରୁ ପେଟରେ ଥିବା esophagus varices ଉପରେ ପ୍ରଭାବ ପଡ଼ିଥାଏ ଏବଂ ସେଥିରେ dilation ହୋଇଥାଏ, ଅର୍ଥାତ ଆନ୍ତରିକ ରକ୍ତସ୍ରାବ ହୋଇଥାଏ ଏବଂ ଏଥିପାଇଁ ମୃତ୍ୟୁ ମଧ୍ୟ ହୋଇପାରେ। ଏକାସଙ୍ଗେ ଅଣ୍ଡା ଓ ଆଲକହଲ ସେବନ କଲେ ପେଟରେ ଚାପ ସୃଷ୍ଟି କରି (acute dilation of stomach) ସ୍ଥିତି ସୃଷ୍ଟି କରିଥାଏ। ଫଳରେ ପେଟର ଭିତର ଅଙ୍ଗ ଫୁଲିଯାଇଥାଏ ଏବଂ ଫାଟିଯିବାରୁ ମୃତ୍ୟୁ ହୋଇଯାଇଥାଏ।

Related posts

Leave a Comment