ଦୀପାବଳି ପରେ ଆହୁରି ବଢିବ ସୋରିଷ ତେଲ ଦର

ନୂଆଦିଲ୍ଲୀ ୧୪/୧୧ : କରୋନା ମହାମାରୀ ସଙ୍କଟ ସମୟରେ ସାଧାରଣ ଜନତାଙ୍କ ସମସ୍ୟା ଲଗାତାର ବଢ଼ିବାରେ ଲାଗିଛି। ପନିପରିବା, ଡାଲି, ଆଳୁ, ପିଆଜ ଆଦି ମହଙ୍ଗା ହେବାପରେ ବର୍ତ୍ତମାନ ଖାଇବା ତେଲର ମହଙ୍ଗା ଦର ଲୋକଙ୍କ ଚିନ୍ତା ବଢ଼ାଇଛି। ତେଲ ବ୍ୟବସାୟୀ କହିବାନୁଯାୟୀ, ଦୀପାବଳି ପରେ ତେଲ ଦାମ ୧୬୦ ଟଙ୍କା ପାର କରିପାରେ। ଦୀପାବଳି ପରେ ବିବାହ ବ୍ରତ ଆଦି ଆରମ୍ଭ ହୋଇଯିବ। ଯାହାଫଳରେ ତେଲର ଚାହିଦା ମଧ୍ୟ ବଢ଼ିଯିବ। ମିଶ୍ରଣ ବନ୍ଦ ହେବା ଯୋଗୁଁ ଅସଲି ସୋରିଷ ତେଲରୁ କୌଣସି ଲାଭ ବାହାରୁନି। ସେଥିପାଇଁ ଦାମ ବଢାଇବା ଛଡା ଆଉ କୌଣସି ବିକଳ୍ପ ନାହିଁ। ଅନ୍ତରାଷ୍ଟ୍ରୀୟ ସ୍ଥରରେ ମଧ୍ୟ ତେଲ ଦର ବୃଦ୍ଧି ହୋଇଥିବାରୁ ଏହାର ପ୍ରଭାବ ସୋରିଷ ତେଲ ଉପରେ ପଡୁଛି।

ଗତ ବର୍ଷେ ମଧ୍ୟରେ ଖାଇବା ତେଲ ଦରରେ ୨୫ ରୁ ୩୦ ପ୍ରତିଶତ ବୃଦ୍ଧି ପାଇଛି। ଗତ ବର୍ଷ ସରକାର ପାମ୍ ଅଏଲ୍ ଆମଦାନୀ ଉପରେ ପ୍ରତିବନ୍ଧକ ଲଗାଇଥିଲେ। ଯାହାଫଳରେ ଚଳିତ ବର୍ଷ ପାମ୍ ଅଏଲ୍ ଆମଦାନୀ ୧୪ ପ୍ରତିଶତ ହ୍ରାସ ପାଇଛି। ଏହାର ପ୍ରଭାବରେ ତେଲ ଦର ବୃଦ୍ଧି ପାଇଛି।

Related posts

Leave a Comment