ଭାରତୀୟ ଛାତ୍ରଙ୍କୁ ଆଉ ନେଉନି ଚୀନ

ବେଜିଂ ୦୯/୦୧: କରୋନା ମହାମାରୀ ଅପସରି ଯାଉଛି କି କବଳିତ କରୁଛି ସେନେଇ କିଛି ସ୍ପଷ୍ଟ ହୋଇପାରୁନାହିଁ। ଗୋଟିଏ ପଟେ କରୋନା ଭୂତାଣୁ ସହ ଲଢ଼ିବାକୁ ଭ୍ୟାକସିନ୍‌ ଆସିଛି ଅନ୍ୟପଟେ ଭୂତାଣୁର ନୂଆ ରୂପ ପୁଣି ଥରେ ତାଣ୍ଡବ ଆରମ୍ଭ କରୁଛି। ଏବେ ଭାରତରେ ଦୁଇଟି କରୋନା ଟିକାକୁ ଅନୁମତି ମିଳିବା ପରେ ଲୋକଙ୍କୁ ସାମାନ୍ୟ ଆଶ୍ବସ୍ତି ମିଳିଛି। କିନ୍ତୁ ବ୍ରିଟେନ ଭଳି ଦେଶଗୁଡ଼ିକରେ କରୋନାର ନୂଆ ରୂପ ଦ୍ରୁତ ଗତିରେ ମାଡ଼ି ଚାଲିଛି। ଭାରତରେ ସଂକ୍ରମଣ କମିଥିବାରୁ ସମସ୍ତ ବିଭାଗ ଧିରେଧିରେ ପୂର୍ଣ୍ଣ କାର୍ଯ୍ୟକ୍ଷମ ହେଉଛି। ଦେଶରେ ଶିକ୍ଷାନୁଷ୍ଠାନ ମଧ୍ୟ ଖୋଲୁଛି। କିନ୍ତୁ ଚୀନର ବିଭିନ୍ନ ବିଶ୍ବବିଦ୍ୟାଳୟରେ ନାମ ଲେଖାଇଥିବା ଭାରତୀୟ ଛାତ୍ରଛାତ୍ରୀ ଚିନ୍ତାରେ।   ପୁଣିଥରେ ଫେରିବାକୁ ରେଡ୍‌ ସିଗନାଲ୍‌ ଦେଖାଇଛି ଚୀନ। ଭାରତୀୟ ଛାତ୍ରଛାତ୍ରୀ କରୋନା ମହାମାରୀ ପାଇଁ ଏବେ ଚୀନ ଯାଇପାରିବେ…

ବ୍ରିସବେନରେ ଲକ୍‌ଡାଉନ୍‌ ଲାଗୁ, ସଙ୍କଟରେ ଶେଷ ଟେଷ୍ଟ ମ୍ୟାଚ୍

ବ୍ରିସବେନ ୦୮।୦୧: ଅଷ୍ଟ୍ରେଲିଆର ତୃତୀୟ ସବୁଠୁ ବଡ ସହର ବ୍ରିସବେନରେ ଶୁକ୍ରବାରଠୁ ତିନି ଦିନ ପାଇଁ ଲକ୍‌ଡାଉନ୍ ଘୋଷଣା କରାଯାଇଛି। ଫଳରେ ପୁଣି ଥରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ଟେଷ୍ଟ ମ୍ୟାଚ୍‌ ଉପରେ ସଙ୍କଟର ବାଦଲ ଛାଇ ଯାଇଛି। ସ୍ଥାନୀୟ ଲୋକଙ୍କଠାରେ କରୋନା ଭାଇରସ୍‌ର ନୂତନ ସଂକ୍ରମଣ ଠାବ ହେବା ପରେ ଏହି ପଦକ୍ଷେପ ଉଠାଯାଇଛି। କ୍ଵିନ୍ସଲାଣ୍ଡ ରାଜ୍ୟର ସ୍ଵାସ୍ଥ୍ୟ ବିଭାଗ ଅନୁଯାୟୀ, ସହର ସ୍ଥିତ ଗ୍ରେଟର ବ୍ରିସବେନ ଅଞ୍ଚଳରେ ଜାନୁଆରୀ ୧୧ ପର୍ଯ୍ୟନ୍ତ ଲକ୍‌ଡାଉନ୍‌ ଲାଗୁ କରାଯାଇଛି। ଏଠାରେ  ଜାନୁଆରୀ ୧୫ରୁ ଶେଷ ତଥା ଚତୁର୍ଥ ଟେଷ୍ଟ ମ୍ୟାଚ୍‌ ଆରମ୍ଭ ହେବ। କିନ୍ତୁ ଏ ପର୍ଯ୍ୟନ୍ତ ମ୍ୟାଚ୍‌ର ସ୍ଥିତିକୁ ନେଇ କୌଣସି ପ୍ରକାର ଆନୁଷ୍ଠାନିକ ପ୍ରତିକ୍ରିୟା ଆସିନାହିଁ। ଏବେ ପ୍ରଶ୍ନ ଉଠୁଛି ଯେ ଏମିତି ସ୍ଥିତିରେ ଖେଳାଳି ସେଠାରେ କେମିତି ଖେଳିବେ। ଭାରତୀୟ…

ଟେଷ୍ଟ୍ ରାଙ୍କିଂରେ ଶୀର୍ଷରେ ନ୍ୟୁଜିଲାଣ୍ଡ, ପଛରେ ପଡିଗଲା ଅଷ୍ଟ୍ରେଲିଆ

ନୂଆଦିଲ୍ଲୀ,୦୬/୦୧: ନ୍ୟୁଜିଲାଣ୍ଡ ଆଇସିସି ଟେଷ୍ଟ ରାଙ୍କିଂରେ ଅଷ୍ଟ୍ରେଲିଆକୁ ପଛରେ ପକାଇ ଶୀର୍ଷ ସ୍ଥାନ ଦଖଲ କରିଛି । ରାଙ୍କିଂ ଇତିହାସରେ ପ୍ରଥମ ଥର ପାଇଁ ଏହି ଉପଲବ୍ଧ ହାସଲ କରିଛି କିଓ୍ୱି ଟିମ୍ । ବୁଧବାର ଦଳ ଖ୍ରୀଷ୍ଟଚର୍ଚ୍ଚରେ ପାକିସ୍ତାନକୁ ଗୋଟିଏ ଇନିଂସ ଓ ୧୭୬ ରନରେ ମାତ୍ ଦେଇଥିଲା । ଏହାସହ ଦଳ ଦୁଇ ମ୍ୟାଚ୍ ବିଶିଷ୍ଟ ସିରିଜକୁ କ୍ଲିନ୍ ସ୍ୱିପ୍ କରିଥିଲା । କେନ୍ ଓ୍ୱିଲମସନଙ୍କ ନେତୃତ୍ୱରେ ଦଳ ପ୍ରଥମ ଟେଷ୍ଟରେ ପାକିସ୍ତାନକୁ ୧୦୧ ରନରେ ହରାଇଥିଲା । ଏହି ସିରିଜ ବିଶ୍ୱ ଟେଷ୍ଟ ଚାମ୍ପିଅନସିପର ଅଂଶ ବିଶେଷ । ଏବେ ନ୍ୟୁଜିଲାଣ୍ଡର ପଏଣ୍ଟ ହେଉଛି ୧୨୦ । ସେହିପରି ଦଳର ରେଟିଂ ଅଙ୍କ ହେଉଛି ୧୧୮ । ଅଷ୍ଟ୍ରେଲିଆ ୧୧୬ ରେଟିଂ ଅଙ୍କ ସହ ଦୁଇ ନମ୍ବରରେ ରହିଛି । ଏବେସୁଦ୍ଧା ଟେଷ୍ଟ…

ଅଶ୍ୱିନଙ୍କ ଜାଲରେ ଫସିଗଲା କଙ୍ଗାରୁ ଟିମ୍

ନୂଆଦିଲ୍ଲୀ,୦୧/୦୧: ଭାରତୀୟ ସ୍ପିନର ଆର ଅଶ୍ୱିନଙ୍କ ଚତୁର ବୋଲିଂରେ ଫସିଗଲା ଅଷ୍ଟ୍ରେଲିଆ ଟିମ୍ । ତେଣୁ ମେଲବର୍ଣ୍ଣରେ ମାତ୍ ଖାଇଲା କଙ୍ଗାରୁ ବାହିନୀ । ଏକଥା ମାନିଛନ୍ତି ଅଷ୍ଟ୍ରେଲୀୟ ବ୍ୟାଟସମ୍ୟାନ୍ ମାର୍ଣ୍ଣସ୍ ଲାବୁସେନ୍ । ଏବେସୁଦ୍ଧା ଖେଳାଯାଇଥିବା ଦୁଇଟି ଟେଷ୍ଟର ୩ଟି ଇନିଂସରେ ଅଷ୍ଟ୍ରେଲିଆ ୧୯୧, ୧୯୫ ଓ ୨୦୦ ରନରେ ଅଲଆଉଟ୍ ହୋଇଯାଇଥିଲା । ଦୁଇଟି ଟେଷ୍ଟରେ ଅଶ୍ୱିନ୍ ୧୦ଟି ଓ୍ୱିକେଟ୍ ନେଇଥିଲେ । ଏହାମଧ୍ୟରୁ ସେ ଷ୍ଟିଭ୍ ସ୍ମିଥଙ୍କୁ ଦୁଇ ଥର ଓ ଲାବୁସେନଙ୍କୁ ଥରଟିଏ ଆଉଟ୍ କରିଛନ୍ତି । ଲାବୁସେନ ଏକ ଭର୍ଚ୍ୟୁଆଲ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ସେ ପୂର୍ବରୁ କେବେ ଅଶ୍ୱିନଙ୍କୁ ସାମ୍ନା କରିନଥିଲେ । ସେ ଜଣେ ମହାନ ସ୍ପିନର ସହ ଚତୁର ବୋଲର ମଧ୍ୟ । ସେ ସମସ୍ତ ପ୍ରସ୍ତୁତି କରି ଷ୍ଟାଡିୟମକୁ ଆସିଥିଲେ । ଭାରତୀୟ…

ମେସି ଓ ରୋନାଲ୍ଡୋଙ୍କୁ ପଛରେ ପକାଇଲେ ଏହି ଫୁଟବଲର

ନୂଆଦିଲ୍ଲୀ,୧୮/୧୨:    ପୋଲାଣ୍ଡର ରବର୍ଟ ଲେବାନଡୋସ୍କି ଫିଫା ବେଷ୍ଟ୍ ପ୍ଲେୟାର ପୁରସ୍କାର ହାସଲ କରିଛନ୍ତି । ଏହାସହ ଏହି ୩୨ ବର୍ଷୀୟ ଫୁଟବଲର ଷ୍ଟ୍ରାଇକର୍ ମେସି ଓ ରୋନାଲ୍ଡୋଙ୍କୁ ଦବଦବାକୁ ଶେଷ କରିଦେଇଛନ୍ତି । ଗୁରୁବାର ଜ୍ୟୁରିଖରେ ଅନୁଷ୍ଠିତ ଭର୍ଚୁଆଲ ପୁରସ୍କାର ବିତରଣ ଉତ୍ସବରେ ସେ ଏହି ପ୍ରତିଷ୍ଠିତ ସମ୍ମାନ ହାସଲ କରିଛନ୍ତି । ଚଳିତ ବର୍ଷ ୟୁଇଏଫଏ ପୁରୁଷ ବର୍ଗରେ ପ୍ଲେଆର ଅଫ୍ ଦି ଇଅର ଜିତିଥିବା ଲେବାନଡୋସ୍କି ଫିପା ପୁରସ୍କାର ପାଇଁ ପ୍ରମୁଖ ଦାବିଦାର ଥିଲେ । ବିଜେତା କିଏ ହେବ ତାକୁ ନେଇ ଭୋଟିଂ ହୋଇଥିଲା । ଯେଉଁଥିରେ ରାଷ୍ଟ୍ରୀୟ ଟିମ୍‌ର କୋଚ୍, କ୍ୟାପ୍ଟେନ ସହ କିଛି ସାମ୍ବାଦିକ ଓ ପ୍ରଶଂସକ ମଧ୍ୟ ସାମିଲ ଥିଲେ । ଲେବାନଡୋସ୍କି ୨୦୧୯-୨୦ ଚାମ୍ପିଅନ୍ସ ଲିଗରେ ନିଜ ଦମରେ କ୍ଲବ୍ ବାୟର୍ଣ୍ଣ ମ୍ୟୁନିଖଙ୍କୁ ଚାମ୍ପିଅନ କରିଥିଲେ ।…

ଟସ୍ ଜିତିଲା ଟିମ୍ ଇଣ୍ଡିଆ, ପ୍ରଥମେ କରିବ ବ୍ୟାଟିଂ

ଆଡିଲେଡ,୧୭/୧୨: ଗୁରୁବାର ଆରମ୍ଭ ହେବ ଆଡିଲେଡ୍ ଟେଷ୍ଟ। ଟେଷ୍ଟରେ ମୁହାଁମୁହିଁ ହେବେ ଭାରତ ଓ ଅଷ୍ଟ୍ରେଲିଆ । ମ୍ୟାଚ୍ ପୂର୍ବରୁ ଟସ୍ ଜିତିଛି ଭାରତ । ଭାରତୀୟ ଅଧିନାୟକ ବିରାଟ କୋହଲି ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛନ୍ତି । ପ୍ରଥମ ଟେଷ୍ଟ୍ ମ୍ୟାଚ ପାଇଁ ଭାରତୀୟ ଅଧିନାୟକ ବିରାଟ କୋହଲି ଏବଂ ତାଙ୍କ ଦଳ ଅଷ୍ଟ୍ରେଲିଆ କ୍ରିକେଟରେ ଗୋଲାପୀ ବଲକୁ ଚ୍ୟାଲେଞ୍ଜ ଦେବେ । ଆଡିଲେଡ୍ ଟେଷ୍ଟ ପାଇଁ ଭାରତର ପ୍ଲେଇଂ ଇଲେଭେନ ଟିମରେ ପୃଥ୍ବୀ ଶ ଏବଂ ରିଦ୍ଧିମାନ ସାହା ସ୍ଥାନ ପାଇଛନ୍ତି।ପ୍ରଥମ ଟେଷ୍ଟ ପୂର୍ବରୁ ଉଭୟ ଦଳକୁ ନେଇ ଆଲୋଚନା ଓ ପର୍ଯ୍ୟାଲୋଚନା ଜାରି ରହିଛି। ବିଶେଷ କରି ଉଭୟ ଦଳର ଓପନରଙ୍କ ଉପରେ ସମସ୍ତଙ୍କ ନଜର ରହିବ। କିନ୍ତୁ  ଜାତୀୟ କ୍ରିକେଟ୍‌ ଏକାଡେମୀରେ ଫିଟ୍‌ ଘୋଷିତ ହୋଇଥିବା ରୋହିତ ଶର୍ମା ଏପର୍ଯ୍ୟନ୍ତ…

କୋହଲିଙ୍କ ଅନୁପସ୍ଥିତିରେ କେମିତି ରହିବ ରାହାଣେଙ୍କ ଅଧିନାୟକତ୍ଵ

ନୂଆଦିଲ୍ଲୀ ୧୪।୧୨: ଡିସେମ୍ବର ୧୭ରେ  ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ର ପ୍ରଥମ ମ୍ୟାଚ୍‌ ଆଡିଲେଡ୍‌ରେ ଆରମ୍ଭ  ହେବାକୁ ଯାଉଛି। ଏହା ପୂର୍ବରୁ ମହାନ ବ୍ୟାଟସମ୍ୟାନ ସୁନିଲ ଗାଭାସ୍କରଙ୍କ ମତରେ ବିରାଟ କୋହଲିଙ୍କ ଅନୁପସ୍ଥିତିରେ ଅଷ୍ଟ୍ରେଲିଆ ବିପକ୍ଷ ଶେଷ ତିନି ଟେଷ୍ଟରେ ଆଜିଙ୍କ୍ୟ ରାହାଣେଙ୍କୁ ଯଦି ଅଧିନାୟକ ଦାୟିତ୍ଵ ଦିଆଯାଏ ତେବେ ତାଙ୍କ ଉପରେ କୌଣସି ଚାପ ପଡିବ ନାହିଁ। କୋହଲି ଆଡିଲେଡ୍‌ରେ ଖେଳାଯାଉଥିବା ପ୍ରଥମ ଟେଷ୍ଟ ପରେ ପିତୃତ୍ଵ ଅବକାଶରେ ସ୍ଵଦେଶ ଫେରିବେ। ବାକି ତିନି ଟେଷ୍ଟରେ ରାହାଣେଙ୍କୁ ଅଧିନାୟକ କରାଯିବାର ଯଥେଷ୍ଟ ସମ୍ଭାବନା ରହିଛି। ଗାଭାସ୍କର ଷ୍ଟାର ସ୍ପୋର୍ଟ୍ସର କାର୍ଯ୍ୟକ୍ରମ ‘ଗେମ୍‌ ପ୍ଲାନ’ରେ କହିଛନ୍ତି, ଆଜିଙ୍କ୍ୟ ରାହାଣେଙ୍କ ଉପରେ କୌଣସି ଚାପ ରହିବ ନାହିଁ କାରଣ ସେ ଦୁଇ ଥର  ଭାରତର ଅଧିନାୟକ ଦାୟିତ୍ଵ ସମ୍ଭାଳିଛନ୍ତି ଏବଂ ଦଳ…

BCCI ନିର୍ବାଚନ, ଜାରି ହେଲା ନିର୍ବାଚକଙ୍କ ନାମ ତାଲିକା

ମୁମ୍ବାଇ ୧୩।୧୨: ଚଳିତମାସରେ ହେବାକୁ ଥିବା ବିସିସିଆଇ ନିର୍ବାଚନ ଲାଗି ରବିବାର ୨୮ ନିର୍ବାଚକଙ୍କ ନାମ ଥିବା ତାଲିକା ଜାରି ହୋଇଛି। ଡିସେମ୍ବର ୨୪ ତାରିଖରେ ହେବାକୁ ଥିବା ବାର୍ଷିକ ସାଧାରଣ ବୈଠକ(ଏଜିଏମ)ରେ ଉପାଧ୍ୟକ୍ଷ ଓ ଗଭର୍ଣ୍ଣିଂ କାଉନସିଲର ଦୁଇ ସଦସ୍ୟଙ୍କ ନିର୍ବାଚନ ହେବ। ଏ ନେଇ ନିର୍ବାଚନ ଅଧିକାରୀ ଅଚଲ କୁମାର ଜ୍ୟୋତି ପୂର୍ବରୁ ଘୋଷଣା କରିଥିଲେ। ନିର୍ବାଚନ ଅଧିକାରୀଙ୍କ ଘୋଷଣା ମୁତାବକ ଡିସେମ୍ବର ୧୧ ତାରିଖ ସୁଧା ବିସିସିଆଇ ସମ୍ପର୍କିତ ସଦସ୍ୟଙ୍କୁ ସେମାନଙ୍କ ପ୍ରତିନିଧିଙ୍କ ଲାଗି ପ୍ରାର୍ଥୀତ୍ୱ ଆବେଦନ କରିବାର ଥିଲା। ତେବେ ଏଥିରେ ବିଳମ୍ବିତ ହୋଇଥିଲେ ବି ବିସିସିଆଇ ରବିବାର ନିର୍ବାଚକଙ୍କ ନାମ ତାଲିକା ଜାରି କରିଛନ୍ତି।  ଯଦି ନିୟମିତ ସମୟ ଅନୁସାରେ ହୋଇଥାନ୍ତା ତେବେ ବିସିସିଆଇ ଶୁକ୍ରବାର ନିର୍ବାଚକଙ୍କ ନାମତାଲିକା ଘୋଷଣା କରିଥାନ୍ତେ। ତେବେ ଏହି ବିଳମ୍ବତା ନେଇ ନିର୍ବାଚନ ଅଧିକାରୀ କୌଣସି…

ବାପାଙ୍କ ଭୁଲ ପାଇଁ କ୍ଷମା ମାଗିଲେ ଯୁବରାଜ ସିଂ

ନୂଆଦିଲ୍ଲୀ, ୧୨|୧୨:  ଭାରତୀୟ ଦଳର ପୂର୍ବତନ କ୍ରିକେଟର ଯୁବରାଜ ସିଂ ପିତା ଯୋଗରାଜ ସିଂଙ୍କ ବିବାଦୀତ ବୟାନ ପାଇଁ କ୍ଷମା ମାଗିଛନ୍ତି । ଯୋଗରାଜ କୃଷକ ଆନ୍ଦୋଳନ ସମର୍ଥନରେ ହିନ୍ଦୁଙ୍କ ବିରୋଧରେ ଅପମାନଜନକ ପ୍ରତିକ୍ରିୟା ଦେଇଥିଲେ । ଯାହାକୁ ନେଇ ବିବାଦ ଘନେଇଥିଲା । ସୋସିଆଲ ମିଡିଆରେ ମଧ୍ୟ ତାଙ୍କ ଗିରଫଦାରୀ ପାଇଁ ଦାବି ହୋଇଥିଲା । ଏହି ପ୍ରସଙ୍ଗରେ ଯୁବରାଜ ସିଂ ନିଜ ପିତାଙ୍କ ଭାବନା ତାଙ୍କ ସହ ସମାନ ନୁହେଁ ବୋଲି କହିଛନ୍ତି । ଯୁବରାଜ ନିଜ ଟ୍ୱିଟର ପେଜରେ ଲେଖିଛନ୍ତି ଯେ, ସେ ଏହି ଦେଶର ମହାନ ପୁଅ । ତାଙ୍କର ଓ ପିତାଙ୍କର ବିଚାରଦାରା ସମ୍ପୂର୍ଣ୍ଣ ଭିନ୍ନ । ସେ ଚଳିତ ବର୍ଷ ନିଜ ଜନ୍ମଦିନ ପାଳନ କରିବା ବଦଳରେ ସରକାର ଓ କୃଷକଙ୍କ ମଧ୍ୟରେ ଚାଲିଥିବା ସଫଳ ହେଉ ବୋଲି…

ବୋଲରଙ୍କ ଘାତକ ବୋଲିଂରେ କଙ୍ଗାରୁ ଧରାଶାୟୀ

ସିଡନୀ ୧୧।୧୨: ଯଶପ୍ରୀତ ବୁମରାଙ୍କ ଅର୍ଦ୍ଧଶତକ ବଳରେ ସମ୍ମାନ ଜନକ ସ୍କୋର କରିବା ପରେ ଘରୋଇ ଅଷ୍ଟ୍ରେଲିଆ ଏ ବିରୋଧରେ ଭାରତୀୟ ବୋଲର ଦମଦାର ପ୍ରଦର୍ଶନ କରିଛନ୍ତି। ବୋଲରଙ୍କ ଘାତକ ବୋଲିଂର ସମ୍ମୁଖୀନ ହୋଇନପାରି ଅଷ୍ଟ୍ରେଲିଆ ଏ ପ୍ରଥମ ଇନିଂସରେ ୧୦୮ ରନରେ ଅଲଆଉଟ୍ ହୋଇଛି। ଏଥିସହ ଭାରତ ପ୍ରଥମ ଇନିଂସରେ ଘରୋଇ ଦଳକୁ ୮୬ ରନରେ ଆଗୁଆ ରହିଛି। ପ୍ରଥମେ ବ୍ୟାଟିଂ କରି ଭାରତ ଯଶପ୍ରୀତ ବୁମରାଙ୍କ ଅପରାଜିତ ୫୫ ରନ ବଳରେ ୧୯୪ ରନରେ ଅଲଆଉଟ୍ ହୋଇଥିଲା। ଭାରତୀୟ ଅଧିନାୟକ ବିରାଟ କୋହଲି ଓ ଟେଷ୍ଟ ବିଶେଷଜ୍ଞ ଚେତେଶ୍ଵର ପୂଜାରାଙ୍କୁ ଏହି ଦିବାରାତ୍ର ଓ୍ଵାର୍ମ ଅପ୍‌ ମ୍ୟାଚ୍‌ରେ ବିଶ୍ରାମ ଦିଆଯାଇଥିଲା। ମାତ୍ର ଦଳର ପ୍ରମୁଖ ବ୍ୟାଟସମ୍ୟାନ ବିଫଳ ହୋଇଥିଲେ। କୋହଲି ଓ ପୂଜାରାଙ୍କ ଅନୁପସ୍ଥିରିରେ ଦଳର ମଧ୍ୟକ୍ରମ ଭୁଶୁଡି ପଡିଥିଲା। ଦଳ ୨୧ ରନ…